आमच्याविषयी

वित्त विभाग हा महाराष्ट्र शासनाचा एक अत्यंत महत्त्वाचा विभाग आहे. संविधानाच्या वैधानिक व कामकाजविषयक आवश्यकतेवर आधारीत राज्य शासनाचा वार्षिक अर्थसंकल्प तयार करणे व तो विधानमंडळाला सादर करणे, अर्थसंकल्पीय अधिवेशनाच्या वेळी लिंग भाव व बाल अर्थसंकल्प विवरणपत्र प्रकाशित करणे, भारतीय रिझर्व बॅंकेकडे शासनाच्या दैनंदिन शीलकीवर सूक्ष्म लक्ष ठेवणे, अर्थोपाय स्थिती योग्य राहण्याच्या दृष्टीने आवश्यक व जलद उपाययोजना करणे, राज्याच्या आर्थिक व्यवस्थापनेतील जमा व खर्च यांचा आगाऊ अंदाज तयार करणे व राज्याच्या विकासाच्या तसेच जनकल्याणाच्या विविध योजना राबविण्यासाठी पुरेसा निधी उपलब्ध करून देणे यासाठी विविध उपाययोजना करणे, वित्त विभाग (खुद्द) व त्या अधिपत्याखालील कार्यालयांशी संबंधित मुळ कामकाज तसेच अधिकारी /कर्मचारी यांच्या सेवाविषयक बाबींशी निगडीत धोरणे या संदर्भातील मुळ कामकाज यांसारख्या महत्वाच्या जबाबदाऱ्या वित्त विभागामार्फत पार पाडल्या जातात.